Европа чемпионлар лигаси нимчорак финал босқичининг дастлабки ўйинида йирик ҳисобда ғалаба қозонган "Бавария", ўз уйида ўтказилган жавоб учрашувида ҳам "Челси"га ҳеч қандай имконият қолдирмади.

Мюнхенликлар бу сафар "Челси" дарвозасига 4та тўп йўллашди. Роберт Левандовски "дубл"га эришган бўлса, Перишич ва Толиссо ўз ҳисобларига биттадан гол ёзишди. Лондонликлар эса Абрахамнинг голи эвазига бир марта жавоб қайтаришди. Икки ўйин натижасига кўра ҳисоб 7:1, "Бавария" фойдасига.

Германия чемпионига чорак финалда "Барселона" рақиблик қилади. Мазкур чорак финал баҳси 14 август, жума куни бўлиб ўтади.

Европа чемпионлар лигаси, 1/8 финал, жавоб ўйини
Бавария Германия – Челси Англия 4:1 (2:1)
Голлар: 1:0 – 10, пенальти Левандовски, 2:0 – 24 Перишич, 2:1 – 44 Абрахам, 3:1 – 76 Толиссо, 4:1 – 83 Левандовски.
Бавария – Нойер, Боатенг (Зюле, 63), Алаба, Киммих (Одриосола, 71), Алькантара (Толиссо, 70), Дэвис, Гнабри (Мартинес, 81), Горетцка, Перишич (Коутиньо, 64), Левандовски, Мюллер.
Челси – Кабальеро, Зума, Джеймс, Кристенсен, Эмерсон, Канте, Ковачич, Маунт, Баркли, Хадсон-Одои, Абрахам (Жиру, 81).
Огоҳлантиришлар: Кабальеро (8), Эмерсон (43).
Дастлабки ўйин: 3:0