Олдинроқ "Барселона" ҳужумчиси Лионель Месси "Наполи"га қарши ўйинда жароҳат олганлиги ва "Бавария"га қарши ЕЧЛ 1/4 финали ўйинида қатнаша олмаслиги мумкинлиги ҳақида хабар бергандик.
Испан матбуотига кўра, "Барселона" сардорининг жароҳати жиддий эмас, деб топилган. Таъкидланишича, барчаси Мессига боғлиқ ва у Чемпионлар Лигаси чорак финалида "Бавария" билан қарама-қаршиликда ўз жамоасига ёрдам беришга тайёр. Ушбу учрашув 14 август, жума куни (Тошкент вақти билан 00:00) бўлиб ўтади.
Эслатиб ўтамиз, 2019/2020 йилги мавсумда чорак финал босқичидан бошлаб жамоалар биттадан ўйин ўтказишади.
