Европа лигасининг чорак финал босқичи доирасида бугундан ўрин олган 2та ўйиндан биттаси 90 дақиқадан сўнг якунланди. "Интер" Германиянинг "Байер" клуби билан тўқнаш келиб, рақибни мағлуб этди.

Биринчи бўлим голларга бой бўлди. Баҳснинг 15-дақиқасида Барелла ҳисобни очган бўлса, орадан 6 дақиқа ўтиб Лукаку фарқни 2тага оширди. Учрашувнинг 24-дақиқасида леверкузенликлар Кай Хаверцнинг голи эвазига тезда бир марта жавоб қайтаришди. Аммо қолган дақиқаларда "Байер"нинг ҳисобни тенглаштириш учун қилган уринишлари самара келтирмади.

Шу тариқа, "Интер" Европа лигасининг дастлабки ярим финалчисига айланди.

Европа лигаси, чорак финал
Интер Италия – Байер Германия 2:1 (2:1, 0:0)
Голлар: 1:0 – 15 Барелла, 2:0 – 21 Лукаку, 2:1 – 24 Хавертц.
Интер – Ханданович, Янг, де Врей, Бастони (Шкриньяр, 84), Д`Амброзио (Мозес, 59), Барелла, Гальярдини (Эриксен, 59), Брозович, Годин, Лукаку, Мартинес (Санчес, 64).
Байер – Градецки, Та, Тапсоба, Синкгравен (Венделл, 68), Бендер (Бельараби, 85), Хавертц, Паласиос (Бэйли, 59), Баумгартлингер (Амири, 68), Демирбай, Диаби, Фолланд (Аларио, 85).
Огоҳлантиришлар: Д`Амброзио (31), Синкгравен (43), Бендер (48), Эриксен (85), Тапсоба (87), Барелла (90).