Россия чемпионатининг 2-тури доирасида «Ростов» ўз уйида «Зенит»ни қабул қилиб, имкониятни бой берди.

Баҳснинг 23-дақиқасида мезбонлар дарвозаси томон пенальти белгиланди. Азмун томонидан йўлланган зарбани дарвозабон қайтарди, қайтган тўпни эронлик футболчининг ўзи дарвозага жойлаб, ҳисобни очди.

Иккинчи бўлим ўрталарида Шомуродов ҳисобни тенглаштириши мумкин эди. Бурчакдан етказилган узатмага Элдор бош билан зарба берди. Тўп тўсин устидан ўтиб кетди.

Ўйин тугашига 12 дақиқа қолганида меҳмонлар ҳимоячиси Ярослав Ракицкий иккинчи сариқ карточкани олиб, майдонни тарк этди. Майдонда ўн киши бўлиб қолган санкт-петербургликлар ўйин тугашига 3 дақиқа қолганида иккинчи голни уришга муваффақ бўлишди. Жаримадан етказилган узатмани Деян Ловрен бош билан дарвозага буриб юборди.

Элдор Шомуродов эса 85-дақиқада захирага олинган эди.

Ушбу ғалабадан кейин "Зенит" 6 очко билан пешқадамга айланган бўлса, "Ростов" 3 очко билан жадвал ўрталарида бормоқда.

Россия чемпионати, 2-тур
Ростов – Зенит 0:2 (0:1, 0:1)
Голлар: 0:1 – 23 Азмун, 0:2 – 87 Ловрен.
Ростов – Песьяков, Осипенко, Козлов (Байрамян, 85), Чернов, Хаджикадунич, Ионов, Зайнутдинов, Норманн, Попов (Еременко, 74), Мамаев (Хасимото, 74), Шомуродов (Тошевски, 85).
Зенит – Кержаков, Дуглас Сантос, Ракицкий, Караваев, Ловрен, Оздоев, Барриос, Малком (Прохин, 80), Ригони (Ерохин, 73), Дриусси (Круговой, 73), Азмун (Мостовой, 85).
Огоҳлантиришлар: Малком (1), Норманн (3), Чернов (23), Ракицкий (55), Азмун (70), Барриос (90).
Четлатиш: Ракицкий (78).