Нидерландиялик мураббийи Рональд Куман яқин вақтлар ичида Каталониянинг «Барселона» клуби бош мураббийига айланади. Испания матбуотининг тарқатган маълумотига қараганда, «кўк-анорранглилар»нинг бўлажак мураббийи харид қилиниши керак бўлган футболчини аниқлаб олди.
Куман «Барселона» сафига «Аякс» ярим ҳимоячиси Донни ван де Бекни таклиф қилмоқчи. Футболчига Мадриднинг «Реал» клуби ҳам давогарлик қилмоқда, бироқ, нидерландиялик ёш футболчи катта эҳтимол билан Куман жамоасини танлаши кутилмоқда.
Transfermarkt портали Ван де Бекнинг нархини 44 миллион евро атрофида баҳоламоқда.
