Тошкентнинг "Бунёдкор" клуби Суперлиганинг 10-турида "Металлург"га қарши баҳс олиб бориб, 2:0 ҳисобида ғалаба қозонди. Учрашувдаги "қалдирғочлар"нинг икки голига ҳам ярим ҳимоячи Нурилло Тўхтасинов муаллифлик қилди. Ўйиндан кейин Нурилло ўз фикрлари билан ўртоқлашди.
– Бу бизнинг рестартдан кейинги иккинчи ўйинимиз эди. Секин аста ўз формамизга қайтяпмиз. Биринчи бўлимда ўйнимиз ўхшамади. Иккинчи бўлимда эса мураббийнинг кўрсатмаларига амал қилган ҳолда мақсадимизга эришдик.
Рақиб ҳақида
– "Металлург" ҳам кучсиз жамоа эмасди. Айниқса, бекабодликлар бу мавсум яхши ўйин кўрсатишмоқда. Бу ўйинда биринчи голни урган жамоа ғалаба қозонарди ва биз буни уддаладик. Бизга ғалаба жуда зарур эди, сабаби бир тур аввал "Бухоро" билан дуранг ўнагандик.
Жалолиддиновнинг кетиши
– Албатта, унинг кетиши жамоамизга ўз таъсирини ўтказди. Чунки у "Бунёдкор"нинг асосий фигураларидан бири эди. Аммо жамоада Жасурнинг ўрнини тўлдира оладиган футболчилар бор. Унинг фаолиятига омад тилайман.
Жамоанинг бу мавсумдаги мақсади
– "Бунёдкор" доим юқори ўринлар учун курашади. Мақсадимиз кучли учликка кириш.
