Дортмунднинг "Боруссия" жамоаси бош мураббийи Люсьен Фавр жамоа ярим ҳимоячиси Жейдон Санчо ҳақида ўз фикрлари билан ўртоқлашди.

-Муҳими, Жейдон биз билан қолади. Бу унинг учун ҳам, жамоа учун ҳам муҳим. Санчо жуда яхши футболчи, лекин у ҳали кўп нарсаларни ўрганиши кераклигини тушуниши керак. Тўпни яхшироқ назорат қилиш, ҳимоя устида ишлаш ва бош билан ўйнаш. Шунингдек жамоамизнинг бошқа футболчилари ҳам кўп нарсаларни ўрганишлари керак - деб айтиб ўтди бош мураббий.

Эслатиб ўтамиз, 2019/20 йилги мавсумда Санчо "Боруссия" сафида 44 та ўйин ўтказиб, 20 та гол ва 20 та голлик узатма амалга оширди.