"Наполи" ҳужумчиси Аркадиуш Милик фаолиятини "Рома"да давом эттириши мумкин, деб хабар беради Calciomercato нашри.
Манбанинг такидлашига кўра, клуб 26 ёшли футболчи учун билдирилган таклифни қабул қилган. Хабар қилинишича, римликлар футболчи учун 15 миллион евро тўлашга ва ўз футболчиси Женгиз Юндерни "Наполи"га беришга тайёр.
Эслатиб ўтамиз, 2019/20 йилги мавсумда Милик "Наполи" сафида 35 та ўйинда майдонга тушиб, 14 та гол урди. Transfermarkt.com портали футболчининг нархини 32 миллион еврога баҳоламоқда.
