"Интер" яримҳимоячиси Жоау Мариу фаолиятини "Бенфика"да давом эттириши мумкин, деб хабар беради италиялик журналист Жанлука Ди Марцио.
Манбага кўра, "бургутлар" 27 ёшли португалиялик футболчини ўз ватанига қайтаришмоқчи. Қолаверса, клубнинг янги бош мураббийи Жорже Жезуш "Спортинг"да яримҳимоячи билан бирга ишлаган.
Transfermarkt маълумотларига кўра, Жоао Мариунинг тахминий нархи 13 миллион еврони ташкил қилади.
Маълумот учун, португалиялик футболчи ўтган мавсумни "Локомотив"да ижарада ўтказди. Шунингдек, Мариу РПЛда 18 та ўйинда майдонга тушиб, битта гол ва 5 та голлик узатма амалга оширди.
