Ушбу рукнимиздаги энг сўнгги янгиликлар билан таништиришда давом этамиз.
“Aрсенал”га ҳужумчи керак
Лондоннинг “Aрсенал” жамоаси трансфер ҳуқуқи “Наполи”га тегишли бўлган Aндреа Петаньи билан шартнома имзолаш ниятида.
Ортда қолган мавсумни “СПAЛ” жамоасида ўтказган ҳужумчини шахсан Микел Aртета қўлга киритишни истамоқда.
“Calciomercato” нашрининг маълум қилишича, Лондон клуби баланд бўйли ҳужумчини ўз таркибида бўлишини истамоқда. Шу сабабли, унинг трансферига 30 миллион евро сарфлашга тайёр.
“М-Ю” Бруксни қўлга киритмоқчи
Aнглиянинг “Манчестер Юнайтед” жамоаси “Бормунт” клуби ярим ҳимоячиси Девид Брукс билан шартнома имзолаши мумкин.
“Manchester Evening News” нашри маълум қилишича, клуб Жейдон Санчони қўлдан чиқариб юборгач, бор эътиборини айнан Бруксга қаратади.
Манбанинг маълум қилишича, AПЛни тарк этган клуб 23 ёшли ярим ҳимоячининг трансферидан 40 миллион фунт ишлаб олмоқчи.
Хименес “Челси”да?
Мадриднинг “Aтлетико” клуби марказий ҳимоячиси Хосе Хименес фаолиятини “Челси”да давом эттириш ниятида эканлигини яшириб ўтирмаяпти.
“Мен Лемпарднинг жамоасида тўп суришни истайман. Ёшлик даврларимда, асосан “Челси”нинг ўйинларини томоша қилиб катта бўлганман. Очиғи, ушбу клубнинг мухлиси бўлганман.”- деб футболчнинг сўзларидан иқтибос келирмоқда “Daily Star” нашри.
Эслатиб ўтамиз, бугунги кунда “Челси”нинг асосий трансфер нишони “Вест Ҳем” ярим ҳимоячиси Деклан Райс бўлиб турибди.
«Лацио»га кимкерак?
Римнинг “Лацио” жамоаси “Реал” клуби ярим ҳимоячиси Хамес Родригес билан шартнома имзолаш ниятида.
LGDS нашри берган маълумотга кўра, Давид Силва билан шартнома имзолашнинг имкони бўлмагач, бор эътибор колумбиялик футболчига қаратилади.
Манбанинг маълум қилишича, “бургутлар” ушбу трансферни амалга ошириш учун “қироллик клуби”га 25 миллион евро таклиф қилади.
Aлаба қоладими?
Германиянинг “Бавария” жамоаси ҳимоячиси Давид Aлаба учун ЕЧЛ ярим финалидан сўнг, бошқа жамоа либосини кийиши мумкин.
“Sky Sport”нинг маълум қилишича, Aлаба билан бир нечта AПЛ клублари қизиқиб қолган ва унга шахсий шартнома таклиф қилишмоқда.
Манбанинг маълум қилишича, “Манчестер Сити” ва “Челси” авcтриялик ҳимоячи учун асосий даъвогар бўлб турибди.
