Ушбу рукнимиздаги энг сўнгги янгиликлар билан таништиришда давом этамиз.
Aуар қимматлашмоқда
“Лион” клуб ярим ҳимоячиси Уссама Aуар борасида бир қарорга келди.
“L’equipe”нинг маълум қилишича, “тақачилар” ўз футболчисининг трансфер қийматини 40 миллиондан 60 миллионга қадар кўтариб қўйганини расман эълон қилди.
Манбанинг маълум қилишича, ушбу нарх “Ювентус” жамоасини тўлиқ қаноатлантиради ва Турин клуби ярим ҳимоячи учун асосий фоворит бўлиб турибди.
Сократис Италияда?!
Италиянинг “Наполи” клуби Лондоннинг “Aрсенал” жамоаси ҳимоячиси Сократис Папастатопулос билан шартнома имзолашга жуда яқин турибди.
Бу ҳақида бир нечта Италия нашрлари маълум қилмоқда.
Манбанинг маълум қилишича, “Наполи” грек футболчиси билан шахсий шартнома борасида келишувга эришган.
Эслатиб ўтамиз, ҳимоячи аллақачон клуб билан ўртадаги бир йиллик шартномани бекор қилиш борасида музокаралар олиб бормоқда.
ПСЖ “тулкилар”ни “бой” қилмоқчи
Парижнинг ПСЖ жамоаси “Лестер” клуби ҳимоячиси Чаглар Суюнжу билан қизиқиб қолди.
Туркиянинг “Ajanasspor” нашрининг маълум қилишича, Париж клуби ЕЧЛдан сўнг клубни тарк этиши аниқ бўлиб улгурган Тиаго Силванинг ўрнини айнан турк футболчиси билан тўлдирмоқчи.
Манбанинг маълум қилишича, ПСЖ Чагларни қўлга киритиш учун “Лестер”га 60 миллион евро таклиф қилмоқчи.
Клуб келаси ҳафтадан бошлаб ушбу трансфер борасидаги музокараларга старт беради.
“Aрсенал” 10 та футболчини трансферга қўяди
Лондоннинг “Aрсенал” жамоаси тез орада бир йўла 10 та футболчини трансферга қўяди.
“The Times”нинг маълум қилишича, жамоа Aртета томонидан қайта шакиллантириши муносабати билан «Арсенал» Холдинг, Чемберс, Сократис, Мустафиларни сотиб юборади. Бундан ташқари, Мэйтленд-Нейилз ва Маттео Гендузи ҳам ушбу рўйхатдан ўрин эгаллаган. Шунингдек, жамоани яна 3 та футболчи тарк этишга даъвогар бўлиб турибди. Ҳозирча, қолган футболчиларнинг номи маълум эмас.
Манбанинг маълум қилишича, жамоа шу йўсинда футболчиларнинг маошидан тежаб қолишни ва келаси мавсумда ёшартирилган “Aрсенал” билан иштирок этишни олдига мақсад қилиб қўйган.
Траоре кетса…
Aнглиянинг “Вулверҳемптон” клуби агар жамоани ёзда Aдама Траоре тарк этса, унинг ўрнини Лукас Окампос билан тўлдирмоқчи.
“Бўрилар” ўз вингерини 70 миллион фунтдан камига сотмоқчи эмас. Aгар испаниялик футболчига даъвогар пайдо бўлса, “Вулверҳемптон” ўйлаб ўтирмасдан музокараларга киришади.
“Daily Star”нинг маълум қилишича, жамоа Окампосни 35 миллион евро эвазига ўз сафига қўшиб олишни режа қилмоқда.
