"Ювентус" клуби ҳужумчи Гонсало Игуаин ва ярим ҳимоячи Сами Хедира билан шартномаларни бекор қилди, деб хабар берди журналист Фабрицио Романо ўзининг твиттерида.
Иккала футболчининг ҳам "кекса сеньора" билан шартномалари тугашига яна бир йил бор, аммо иккаласи ҳам янги бош мураббий Aндреа Пирлонинг режаларига киритилмаган. Ҳамкорлик қандай шартлар билан тўхтатилгани ҳақида хабар берилмаган.
Ўтган мавсумда Игуаин "Ювентус" формасида 44 та ўйинда майдонга тушиб, 11 та гол урди ва 8 та голли узатмани амалга оширди, Хедира эса 18 та ўйинда майдонга тушиб, 1 та голга ассистентлик қилди.
