"Рома"нинг собиқ сардори Даниеле Де Росси Рим клубига қайтиши мумкин, деб хабар беради Calciomercato нашри. Клубнинг янги эгаси Дэн Фридкин футболчини таклиф қилишга шахсан қизиқиш билдирмоқда.
Де Росси фаолиятини якунлагач, мураббийлик фаолиятини бошламоқчи эди. У "Болонья"нинг ёшлар жамоаси билан ишлаш учун даъвогар эди, аммо клуб бошқа мураббийни танлади.
Де Росси келаси ҳафта Рим клуби раҳбарлари билан учрашиб, ўзаро ҳамкорликни муҳокама қилади.
Эслатиб ўтамиз, Даниеленинг отаси Альберто Де Росси "Рома"нинг иккинчи жамоаси билан 2014-йилдан бери ишлаб келмоқда.
