«Бавария» Чемпионлар Лигасининг финал учрашувида ПСЖни мағлуб этиб, 2019/20 йилги мавсумдаги учинчи совринини қўлга киритди.

«Бавария» бунгача Германия чемпионати ва мамлакат Кубогини ғалаба қозонганди. Бу клуб тарихидаги иккинчи требл бўлди. Биринчиси 2012/13 йилги мавсумда қайд этилган.

Шу тариқа мюнхенликлар требллар сони бўйича «Барселона»га етиб олди. Каталон клуби 2008/09 ва 2014/15 йилги мавсумларда Ла Лига, Испания Кубоги ва Чемпионлар Лигасида зафар қучган.

Қайд этиш жоиз, «Бавария» 6 марта Чемпионлар Лигасида ғолиб бўлди. Бунгача клуб 1974, 1975, 1976, 2001 ва 2013 йилларда мусобақа бош совринига эга чиққанди.