Кириш Регистрация
28/03 19:00 Динамо - Металлург
29/03 19:00 ОКМК - Бунёдкор
29/03 19:15 Қизилқум - Локомотив

«Навбаҳор»нинг 6 футболчисида коронавирус аниқланди

Баҳо:
+ | -

Эртага Coca Cola Суперлигада 12-тур учрашувлари давом эттирилади. Тур доирасида AГМК ва “Навбаҳор” жамоалари ўзаро баҳс олиб боришади.

COVID-19 тарқалишига йўл қўймаслик ва карантин давридан чиқиш вақтида “Футбол бўйича мамлакат чемпионати ва кубоги учрашувларини ва машғулотлар жараёнини қайтадан бошлаш” бўйича ишлаб чиқилган Регламентнинг 3.2.1 бандига асосан, тоза ҳудуд саналувчи стадионга фақатгина касалликнинг ҳар қандай симптоми бўлмаган шахсларгина қўйилади. Ушбу шахсларнинг ўйин бошланишига 48 соатдан кам қолмаган вақт оралиғида COVID-19га PZR усули билан топширган тестлари натижалари манфий бўлиши лозим.

“Навбаҳор” жамоасининг AГМК билан баҳс олдидан топширган тести хулосаларига кўра, клубнинг 6 нафар футболчиси, шунингдек 5 нафар ходимида PZR натижалари мусбат чиққан. Шу сабабли айни пайтда мазкур футболчи ва ходимлар алоҳида изоляцияга олинган ва шифокорлар назорати остида бўлиб турибди. Клуб ихтиёрида бўлган қолган футболчиларнинг аҳволи ҳозирча қониқарли. ЎзПФЛ қошида ташкил қилинган тажрибали шифокорлардан иборат комиссия жараённи тўлиқ назорат қилиб бормоқда.

Эртанги ўйинда ЎзПФЛ комиссияси аъзолари – Насиба Алимова ва Бобур Aбдазов учрашув давомида ҳам “Навбаҳор” жамоасига яқиндан кўмак беради.

Қайд этиш жоиз, мазкур Регламентнинг 3.2.2 бандига кўра, агар жамоа ихтиёрида 16 нафардан кам бўлмаган майдондаги футболчилар ва 2 нафар дарвозабон бўлса, клуб ўйинга тайёр дея ҳисобланади.

Манба: pfl.uz
Киритилди: 23:02, 24.08.2020.
Ўқилди: 2998 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.