Греция суди «Манчестер Юнайтед» сардори Харри Магуайрга нисбатан ўз қарорини маълум қилди. Унга кўра, англиялик футболчига нисбатан 21 ойлик шартли қамоқ жазоси белгиланди.

Магуайр полициячига қаршилик кўрсатиш, тан жароҳат етказиш ва уларга пора беришга уринишда айбдор деб топилгани учун шундай жазога лойиқ кўрилди.

Ўйинчининг ўзи эса суд қароридан қониқиш ҳосил қилмади.

«Бу масалада айбсиз эканимга ишончим комил. Мен, оилам ва дўстларим вазият қурбонига айландик», — деди Магуайр ОАВга берган интервьюсида.

Греция қонунларига кўра, 3 йилгача бўлган қамоқ жазосини жаримага алмаштириш мумкин. Бир кунлик жарима миқдори эса 5 евродан 100 еврогача етиши мумкин. Буни суд белгилайди.