"Ливерпуль" бош мураббийи Юрген Клопп "Барселона"нинг ярим ҳимоячи Жоржиньо Вейналдумга қизиқиши ҳақидаги миш-мишларга изоҳ берди.
Каталонияликларнинг янги бош мураббийи Рональд Куман 29 ёшли футболчини сотиб олишга қизиқмоқда. Мутахассис голландиялик футболчини терма жамоадаги ишидан яхши билади.
«Бу нарсалар фақат бизга ва футболчига тегишли. Aйни пайтда ҳамма нарса тартибда. У мавсумолди мавсумда жуда яхши ўйнади ва "Ливерпул"да бир-икки яхши мавсумни ўтказди. Aйни пайтда бу ҳақда айта оладиган ягона нарса шу", — деди Клопп.
Ўтган мавсумда Вейналдум "қизиллар" таркибида барча турнирларда 47 учрашув ўтказган ва олтита гол урган. Ярим ҳимоячининг шартномаси 2021 йилнинг ёзигача мўлжалланган. Трансфермаркт унинг қийматини 40 миллион еврога баҳоламоқда.
