Aнглия Премьер-лигаси клублари 2020/21 йилги мавсумда 5 та алмаштиришдан воз кечиш тўғрисидаги қарорини қайта кўриб чиқадилар. Бу ҳақда The Sun нашри хабар берди.
Aвгуст ойи бошида Премьер-лига клублари умумий йиғилишда учта алмаштиришга қайтишга овоз беришганди. Энди "Ливерпуль", "Манчестер Сити", "Манчестер Юнайтед", "Челси" ва "Aрсенал" ўтган мавсум охирида бўлгани каби келгуси мавсумда 5 тагача алмаштиришни қайта ишлатишни таклиф қилишмоқчи.
Бу масала клубларнинг навбатдаги йиғилиши кун тартибига киритилади. Овоз бериш 3 сентябрь куни бўлиб ўтиши кутилмоқда.
Эслатиб ўтамиз, Халқаро футбол ассоциацияси кенгаши ҳар бир ўйинда бешта алмаштириш қоидасини 2021 йилнинг ёзига қадар узайтириши мумкин.
