Кепа Аррисабалага фаолиятини "Милан"да давом эттириши мумкин. "Челси" испаниялик дарвозабонни Жанлуиджи Доннаруммага алмашиш ҳақида ўйламоқда. Бу ҳақда Football Insider хабар тарқатди.
Манбанинг хабарига кўра, "кўклар" бош мураббийи Фрэнк Лэмпард Кепани ўз режаларига киритмаяпти. Бунга сабаб, дарвозабон ўтган мавсумда кўплаб хатоларга йўл қўйганлиги.
Доннаруммага келадиган бўлсак, унинг "россонерилар" билан шартномаси 2021 йили якунига етади. Аввалроқ италиялик посбоннинг агенти Мино Райола мижозини бошқа клубга олиб ўтмоқчи эканлиги ҳақида хабарлар тарқалганди.
