ПСЖнинг бразилиялик ҳужумчиси Неймар Франциядаги фаолиятини давом эттиришини маълум қилди.
"Мен ПСЖда қоламан. Жамоам билан яна Чемпионлар лигаси финалигача етиб бориб, унда ғолиб чиқиш мақсадим бор. Клуб тарихидан жой олишни истайман, бу менга мотивация беради. Қийин ўйинлар орқали совринларни ютиш менга ҳар доим ёққан.
Тарихда қолиш учун барча ишни қилишга тайёрман. Мен учун энг муҳими бу «ПСЖ»даги йигитлар билан Чемпионлар лигасида ғолиб бўлишдир. Шахсий совринлар мени ўйлантирмайди, асосийси жамоавий ютуқлардир", -деди футболчи
