«Бавария» ҳужумчиси Роберт Левандовски ушбу мавсумда "Олтин бутса"ни қўлга киритган «Лацио» форварди Чиро Иммобиле ҳақида ўз фикрини билдириб ўтди.

«Афсуски, Бундеслигадаги бир мавсумда ўйинлар сони 4тага кам. Ҳамма бир хил сондаги ўйинда иштирок этганида адолатли бўлар эди. Мен бу мавсумда бошқаларга нисбатан 6та ўйинда камроқ иштирок этдим. Голлар фарқи ҳам шундан келиб чиқди», – деди польшалик футболчи.

Шунингдек, Роберт келаси мавсумда "Олтин бутса" қўлга киритиш имконияти ҳақида ўз фикрини билдирди.

«Қийин бўлади. Ҳар бир ўйинда 2тадан гол уришнинг имконияти йўқ. Баъзида кейинги ўйиндаги рақибдан келиб чиқиб босимни камайтириш мумкин. Мен учун жамоа биринчи ўринда», – деди Левандовски "Kicker"га берган интервьюсида.

Эслатиб ўтамиз, Иммобиле Италия А серияси 36та гол урган бўлса, Левандовски Бундеслигада 34та гол муаллифига айланди.