Эквадорнинг "Сосьедад Депортиво Аукас" клубининг аргентиналик ярим ҳимоячиси Серхио Лопес ўйин давомида тўпни ўпгани учун 1000 евро жаримага тортилди, деб хабар берди Sport1 портали. Таъкидланишича, воқеа ўтган ҳафта охирида содир бўлган.
Энг қизиғи, Лопеснинг нима учун футбол тўпини ўпишга қарор қилгани номаълум бўлиб қолмоқда. Ваҳоланки, футболчи ўйин давомида бирор марта гол урмаган.
Учрашув эса рақиб жамоанинг футболчиси ўз дарвозага гол ургани боис 1:0 ҳисоби билан "Сосьедад Депортиво Аукас" фойдасига ҳал бўлган.













