Коронавирусга чалинган «Навбаҳор» бош мураббийи Андрей Канчельскис ўзининг аҳволи ҳақида маълумот бериб ўтди.

«Аста-секин ўзимга келяпман. Ўзимни яхши ҳис қила бошладим, иштаҳа ва овоз пайдо бўлди. Организм соғаймоқда. Энг муҳими — иситма йўқ, яқин ўлчадим — 36,9. Дастлабки кунларда 37дан ошаётган эди. Ўзимни яхши ҳис қилмаётгандим.

Ҳозир Тошкентдаги меҳмонхонадаман. Эртага тўлиқ текширувдан ўтиб, барча таҳлилларни топширмоқчиман. Ҳаммаси жойида бўлса, Наманганга йўл оламан. Акс ҳолда шифохонага ётишимга тўғри келади. Ўйлашимча, иш бунчага етиб бормайди.

Ҳамон ҳолсизлик мавжуд. Ҳар ҳолда шу кунларда 5 килога озиб кетдим. Аслида ҳар қандай касалликдан сўнг шундай бўлиши керак. Мен билан бирга касал бўлган футболчилар ҳозир Наманганда. Улар такрорий тест топширишади. Уч футболчи тўла соғайишди. Ҳозир чемпионатда танаффус юзага келган. Қолганлар ҳам тез орада соғаяди, деб умид қиламан», — деди Канчельскис ТАССга берган интервьюсида.