Франция терма жамоаси ҳужумчиси Оливье Жиру Лондоннинг «Челси» клубини тарк этмайди. Футболчи ўзининг иқтидорига ишонмоқда. Якунига етган мавсумнинг иккинчи даврасида айнан у асосий таркиб ҳужумчисига айланди.

«Барчагам маълум, қишда бошқа жамоага ўтишга жуда яқин келгандим. Лекин, мураббий менга ўзимни кўрсатишим имкон берди ва мен бу имкониятни қўлдан чиқармадим. Бу катта ғалаба бўлди ва жиддий чақирув бўлди.

Мен содда эмасман, клуб Вернерни сотиб олдими, демак у ўйнайди. Бироқ, бизнинг йўналишларимиз бошқа-бошқа. У кенг ўйнайди ва менинг позициямда ўйнамайди. Мураббий рақибнинг тактикасидан келиб чиққан ҳолда таркибни танлайди. Ўзимнинг 34 ёшимда барча нарсамни беришга тайёрман», – деди Жиру Clairefontaine билан суҳбатда.