"Ливерпул"нинг нидерландиялик ярим ҳимоячиси Жорджиньо Вейналдум Каталониянинг "Барселона" клубига ўтиши мумкинлиги ҳақидаги хабарларга муносабат билдирди.
"Булар шунчаки миш-миш. Бошқа ҳеч нарса айта олмайман", - Вейналдумнинг сўзларидан иқтибос келтирмоқда Mirror.
Аввалроқ, нидерландиялик футболчи "Барселона" клуби билан уч йиллик шартнома борасида келишувга эришгани ва унинг трансфер нархи 15 миллион евро атрофида бахоланаётгани ҳақида хабарлар тарқалганди.
29 ёшли Вейналдум "Ливерпуль" таркибида 2016 йилдан бери ўйнаб келмоқда. У "мерсисайдликлар" таркибида 187 та учрашувда майдонга тушиб, 19 та гол киритди ва 16 та голга ҳаммуаллифлик қилди. Унинг жамоа билан амалдаги шартномаси 2021 йилнинг ёзигача амал қилади.
