Туриннинг "Ювентус" клуби ярим ҳимоячиси Адриен Рабьо узоқ муддатли танаффусдан кейин Франция терма жамоасига қайтди. Аввалроқ футболчининг терма жамоа бош мураббийи Дидье Дешам билан муносабатлари ёмонлашганди. Шу сабабли, Рабьо ва Дешамлар бу кескин муносабатга ойдинлик киритиб олишди.
«Терма жамоага қайтганимдан хурсандман. Мураббий билан муаммо йўқ. Бизда 2018 йили нималар бўлганини муҳокама қилиб олиш учун имконият бўлдиу. Биз эркакча гаплашиб олдик. Мен ҳеч қачон уни ҳақорат қилмаганман, тушунмовчиликлар ортда қолди», – деди Рабьо.
Франция терма жамоаси 5 сентябр куни Швеция терма жамоасига қарши ўйнайди.
