Ўзбекистон терма жамоаси кеча ўртоқлик учрашувида Тожикистон термасини 2:1 ҳисобида мағлуб этди. Терма жамоадаги дебют ўйинини ўтказган ҳужумчи Шаҳзод Убайдуллаев ўзининг илк голини уришга эришди. Учрашувдан сўнг Убайдуллаев қуйидаги фикрларни билдириб ўтди.
"Дебют ўйиним ёмон чиқмади деб ўйлайман. Тожикистон терма жамоаси ҳам аввалгидан анча ўзгарган. Ҳамма жойда футбол ривожланмоқда. Қўшниларимиз ҳам бугун яхшигина қаршилик қилишди.
Учрашув аввалидан гол уришни мақсад қилгандим. Ҳар холда дебют ўйинда гол уриш бошқача таъсир қилади. Насиб қилса, терма жамоада муҳим футболчига айланишга ҳаракат қиламан.
Шомуродов? Мен рақобатдан қўрқмайман. Рақобат бор жойда ўсиш бўлади", -деди Убайдуллаев.