УЕФА Миллатлар Лигасининг 1-туридан ўрин олган 4 август, жума кунги ўйинлар якунланди.
Нидерландия терма жамоаси ўз уйида Польшани қабул қилди. Учрашувнинг биринчи бўлимида ҳисоб очилмади. 61-дақиқада Стевен Бергвейн майдон эгаларини олдинга олиб чиқди. Мазкур гол ўйинда ягоналигини сақлаб қолди.
Гуруҳнинг иккинчи ўйинида Италия терма жамоаси Босния ва Герцеговинага қарши баҳс олиб борди. Дастлаб меҳмонлар 57-дақиқада Эдин Жеконинг голидан кейин ҳисобни очди. Бироқ орадан ўн дақиқа ўтиб, Италия бунга Стефано Сенсининг голи билан жавоб қайтарди. Қолган вақтда ҳисоб ўзгармади.
Қозоғистон терма жамоаси Литва майдонига сафар қилди. Бахтиёр Зайнутдинов ва Исламбек Куатнинг голлари қозоғистонликларга ғалаба келтирди. Беларусь эса ўзида Албанияга имкониятни бой берди.
Эрлинг Ҳоланднинг голи Норвегияни Австрияга қарши ўйинда мағлубиятдан қутқариб қололмади. Шимолий Ирландия эса бир ўйинчи кам бўлиб Руминиядан очко тортиб олди.
Словакия ва Чехия жамоалари ўртасидаги баҳсда чехларнинг қўли баланд келган бўлса, Шотландия Исроил билан дуранг ўйнади.
УЕФА Миллатлар Лигаси
1-тур баҳслари
4 сентябрь, жума
Нидерландия — Польша 1:0
Гол: 1:0 – 61 Бергвейн.
Нидерландия: Силлессен, Велтман, ван Дейк, Ҳатебур, Аке, Вейналдум, де Рон, Бергвейн (ван де Бек, 74), де Йонг, Промес, Депай.
Польша: Шенсни, Беднарек, Кендзера, Глик, Берешински, Криховяк, Шиманьски, Юзвяк (Гросицки, 71), Клих, Зелиньски (Модер, 77), Пёнтек (Милик, 63).
Огоҳлантиришлар: Пионтек (21), Клих (33), Юзвяк (56), Глик (63), де Рон (71), Депай (74), де Йонг (89), Беднарек (90).
Италия — Босния ва Герсеговина 1:1
Голлар: 0:1 – 57 Жеко, 1:1 – 67 Сенси.
Италия: Доннарумма, Бираги, Бонуччи, Флоренци, Ачерби, Сенси, Пеллегрини (Кин, 86), Инсинье, Барелла, Кеза (Заниоло, 71), Белотти (Иммобиле, 73).
Босния ва Герсеговина: Шехич, Колашинац (Чивич, 84), Саничанин, Шуньич, Сипетич, Симирот, Гояк, Хажиахметович, Вишча (Милошевич, 86), Жеко, Ходжич (Бешич, 77).
Огоҳлантиришлар: Белотти (65), Заниоло (79), Бонуччи (79), Симирот (79).
Литва — Қозоғистон 0:2
Голлар: 0:1 – 3 Зайнутдинов, 0:2 – 86 Куат.
Шотландия — Исроил 1:1
Голлар: 1:0 – 45, пенальти Кристи, 1:1 – 73 Захави.
Руминия — Шимолий Ирландия 1:1
Голлар: 1:0 – 25 Пушкаш, 1:1 – 86 Уайт.
Словакия — Чехия 1:3
Голлар: 0:1 – 48 Соуфал, 0:2 – 53, пенальти Дочкал, 0:3 – 86 Крменчик, 1:3 – 88 Шранс.
Беларусь — Албания 0:2
Голлар: 0:1 – 23 Цикалеши, 0:2 – 78 Баре.
Норвегия — Австрия 1:2
Голлар: 0:1 – 35 Грегорич, 0:2 – 54, пенальти Забитцер, 1:2 – 66 Ҳоланд.
