Португалия терма жамоаси бош мураббийи Фернанду Сантуш Миллатлар лигаси доирасида Швецияга қарши бўлиб ўтган ўйин (2:0) борасида ўз фикрини билдирди. Ҳар иккала гол Криштиану Роналду ҳисобига ёзилди. Шведлар эса 44-дақиқадан бошлаб майдонда бир киши кам бўлиб қолишди.

«Дастлабки 20 дақиқада қийинчиликка дуч келдик. Биз уларнинг ўйин услубини тушуна олмадик. Кейин эса яхшироқ ўйнай бошладик. Тўпни назорат қилиб, шведларни кўп югуришга мажбур қилдик. Шундан кейин ишимиз осонлашди.

Четлатиш мазкур ўйинда ҳал қилувчи аҳамиятга эга бўлди. Биз адолатли тарзда ғалаба қозондик. Ўзимиз истагандек ғалаба қозона олмадик, аммо биз ўйинни назорат қилдик. Ўйинчилар кутилмаган қарорларни қабул қилиши керак эди. Тўпни тезроқ ҳаракатлантирсак, бошқача натижага эришишимиз мумкин эди», — деди Сантуш.

Португалия ва Франция терма жамоалари 6 очко билан А лига, 3-гуруҳда пешқадамлик қилишмоқда. Швеция ва Хорватия терма жамоалари ҳисобида ҳали очко мавжуд эмас.