Soccerlink порталининг тарқатган маълумотига қараганда, Италиянинг "Интер" клуби ўзининг марказий ҳимоячиси Стефан Де Врейни Каталониянинг "Барселона" клубига сотишни истамади.

Нидерландиялик футболчини каталонияликларнинг янги бош мураббийи Рональд Куман жамоага олиб келмоқчи бўлганди. Чунки, улар Нидерландия терма жамоаси орқали бир-бирлари учун жуда яхши таниш. Бироқ, Артуро Видаль борасида икки клуб музокара олиб бораётган бўлишига қарамай, "Интер" раҳбарияти нидерландиялик футболчининг трансфери борасида рад жавоб берди. Каталонияликлар Видалга қўшимча сифатида маблағ ҳам таклиф қилишганди, аммо, "нерадзуррилар" чилилик футболчини шундоқ ҳам олишга кўзи етаётганини билдиришди.