Бельгия чемпионатида бўлиб ўтган «Мехелен» ва «Остенде» жамоалари ўртасидаги ўйинда ҳужумчи учун аламли вазият юзага келди.
Баҳснинг 67-дақиқасида (ҳисоб ўша пайтда 0:0 эди) «Мехелен»нинг 17 ёш ярим ҳимоячиси Астер Вранкс мутлақо бўш дарвоза олдида тўп билан ёлғиз қолди. Унга ҳеч ким халал бермаётганди. Аммо зарба бериш чоғида тўпни босиб олди ва йиқилиб тушди. Натижада дарвозагача етиб бормади.
Вранкснинг хатоси «Мехелен»га қимматга тушди. Қўшиб берилган дақиқаларда «Остенде» ҳимоячиси Жек Хендри гол уриб, ўз жамоасига ғалаба келтирди.
«Жуда афсусдаман, лекин ушбу вазият туфайли ақлдан озмоқчи эмасман», — деди Вранкс ўйиндан кейин.