Нидерландиянинг "Гронинген" клуби футболчиси Арьен Роббен жароҳат сабабли сафдан чиқди.

Роббен Нидерландия чемпионатининг 1-тур доирасида ПСВ клубига қарши учрашувда жароҳат олди. У учрашувнинг 30-дақиқасида алмаштирилди.

Қайд этиш керакки, ушбу баҳс фаолиятини қайта тиклаган Роббен учун дебют ҳисобланарди. Арьен 2019 йили фаолиятини якунлаганини маълум қилганди, аммо, кейинроқ майдонга қайтишга қарор қилганди.

36 ёшли Роббен "Гронинген" клуби тарбияланувчиси саналади. У шунингдек, ПСВ, "Челси", "Реал" ва "Бавария" клубларида ўйнаган. У фаолияти давомида 31 та совринни қўлга киритган.