Уругвайлик ҳужумчи Луис Суарес Туриннинг «Ювентус» клуби билан музокараларни атайлаб чўзмоқда, чунки у фаолиятини «Барселона»да давом эттирмоқчи.

Бироқ, Рональд Куман Луис Суаресни таркибда кўрмаётганини очиқ айтган, ҳатто кеча бўлиб ўтган ўртоқлик учрашувида ҳам майдонга туширмаган.

"Барселона" Суареснинг ўрнига "Лион" ҳужумчиси Мемфис Депайни олиб келмоқчи. Тўғри, клуб раҳбарияти аввал ҳужумчи сотиб олган тақдирдагина Сауресни сотиб юборади, унгача эса Луис жамоа билан бирга бўлади.

Ўз навбатида Суаресга Туриннинг «Ювентус» клуби жиддий қизиқиш билан қарамоқда. «Кекса синьора» ушбу битимни тезроқ амалга оширмоқчи. Гап шундаки, «Ювентус» Евроиттифоққа аъзо бўлмаган давлат фуқаролари учун ажратилган лимитдан фойдаланиб бўлди, энди фақатгина Италия фуқаролирини рўйхатдан ўтказа олади. Шунинг учун Суарес тезроқ тест топшириши керак, бироқ, Луис бу ишни пайсалга солиб юрибди.

Вақт ўтиб бормоқда. Афтидан, Суарес бу ишни атайин чўзмоқда, чунки, у «Барселона»да қолиш ниятида.