Urugvaylik hujumchi Luis Suares Turinning «Yuventus» klubi bilan muzokaralarni ataylab cho‘zmoqda, chunki u faoliyatini «Barselona»da davom ettirmoqchi.
Biroq, Ronald Kuman Luis Suaresni tarkibda ko‘rmayotganini ochiq aytgan, hatto kecha bo‘lib o‘tgan o‘rtoqlik uchrashuvida ham maydonga tushirmagan.
"Barselona" Suaresning o‘rniga "Lion" hujumchisi Memfis Depayni olib kelmoqchi. To‘g‘ri, klub rahbariyati avval hujumchi sotib olgan taqdirdagina Sauresni sotib yuboradi, ungacha esa Luis jamoa bilan birga bo‘ladi.
O‘z navbatida Suaresga Turinning «Yuventus» klubi jiddiy qiziqish bilan qaramoqda. «Keksa sinyora» ushbu bitimni tezroq amalga oshirmoqchi. Gap shundaki, «Yuventus» Yevroittifoqqa a’zo bo‘lmagan davlat fuqarolari uchun ajratilgan limitdan foydalanib bo‘ldi, endi faqatgina Italiya fuqarolirini ro‘yxatdan o‘tkaza oladi. Shuning uchun Suares tezroq test topshirishi kerak, biroq, Luis bu ishni paysalga solib yuribdi.
Vaqt o‘tib bormoqda. Aftidan, Suares bu ishni atayin cho‘zmoqda, chunki, u «Barselona»da qolish niyatida.
