Футбол тарихи ва статистикаси халқаро федерацияси (IFFHS) «Ювентус» ҳужумчиси Криштиану Роналдуга халқаро ўйинларда урилган голлар сони бўйича 2019 йилнинг энг яхши тўпурари совринини топширди. Португалиялик футболчи ушбу совринни Инстаграм орқали намойиш қилди.
Роналду ўтган йили Португалия терма жамоаси сафида 14та, "Ювентус" билан Европа чемпионлар лигасида 7та, жами 21та гол билан пешқадамликни қўлга киритган эди.
Криштиану IFFHSдан бундай совринни бешинчи марта қабул қилди. У 2013, 2014, 2016 ва 2017 йилларда ҳам халқаро учрашувлардаги голлар сони бўйича энг яхши тўпурарга айланган эди.
Дарвоқе, IFFHSнинг ўтган йилги рейтингида Элдор Шомуродов 11-ўринни эгаллаган эди.
