УЕФА 2019/2020 йилги мавсумнинг энг яхши футболчиси учун ўтказилган сўровнома натижаларини эълон қилди.

Кучли учликка «Манчестер Сити» ярим ҳимоячиси Кевин де Брюйне, «Бавария» ҳужумчиси Роберт Левандовски ва мюнхенликлар дарвозабони Мануэль Нойер кирди. Ғолиб номи 1 октябрь куни эълон қилинади.

"Барселона" сардори Лионель Месси сўровномада 4-ўринни эгаллаган бўлса, "Ювентус" форварди Криштиану Роналду 10-поғонани банд этди.

Сўровномада ЕЧЛ ва Европа лигасида иштирок этган клубларнинг 80 нафар бош мураббийлари, УЕФАга аъзо мамлакатлардан 55 нафар журналист қатнашишди.

Сўровномада 4-10-ўринларни қуйидаги футболчилар эгаллашди:

4-5. Лионель Месси («Барселона») — 53 очко

4-5. Неймар («ПСЖ») – 53 очко

6. Томас Мюллер («Бавария») – 41 очко

7. Килиан Мбаппе («ПСЖ») – 39 очко

8. Тиаго Алькантара («Бавария») – 27 очко

9. Йозуа Киммих («Бавария») – 26 очко

10. Криштиану Роналду («Ювентус») – 25 очко