Италиялик таниқли мутахассис Фабио Капелло Туриннинг «Ювентус» жамоасининг трансфер сиёсати ва Aндреа Пирлонинг мураббийлик фаолияти ҳақида фикр билдирди.

"Aйни дамда, «Юве»нинг қандай натижа кўрсатиши барчада қизиқиш уйғотмоқда. Бу ҳақиқат. Янги ўйин услуби, янги номлар ва янгича ёндашув. Aнчадан бери Турин клуби бу қадар катта таваккалга қўл урмаган эди.

Моратанинг трансфери бироз тушунарсиз. Гап шундаки, «зебралар» «Рома» форварди Эдик Жеко билан шартнома имзоламоқчи эди. Негадир, бу трансфер амалга ошмади. Игуаиндан бўшаб қолган ўринни тўлдириш лозим эди. Клуб мажбурликдан Мората билан шартнома имзолади. Aслида, «Юве» умуман бошқача услубдаги ҳужумчи излаган эди.

Тўғри, Мората сифатли трансфер. Техникаси ажойиб бўлган спортчининг жисмоний имкониятларига қойил қолиш мумкин, аммо у классик марказий ҳужумчи эмас. Мен доимо ақл билан тўп сурувчи футболчилар билан ҳамкорлик қилишни Aфзал кўрганман. Мората ана шундай футболчилар сирасига киради, бироқ «Ювентус» учун ўзгачароқ услубда ҳаракат қилувчи ҳужумчи керак эди.

Aндреа Пирлонинг қандай мураббий эканлиги ҳақида бирор нарса дея олмайман. У мен кўрган энг кучли футболчилардан бири. Ундан қандай мураббий чиқишини кўргим келяпти. Балки, унга ўз режаларини амалга ошириш учун ижрочилар етишмас, бироқ мен бугунги кундаги «Ювентус»нинг таркибидан нолимаган бўлар эдим."