Мюнхеннинг «Бавария» клуби ярим ҳимоячиси Микаэль Кюизанс Англиянинг «Лидс» клуби билан шахсий шартнома борасида келишувга эришди.
Франциялик футболчи кам ўйин амалиётига эга бўлаётганлиги учун норози бўлиб юрибди. Шу сабабли, у ўз жамоасини ўзгартириш ниятида. Кюизанс "Лидс" клуби билан 2025 йилгача мўлжалланган шартномага розилик билдирган. Яқин соатлар ичида клублар ўзаро музокараларни бошлайди.
Аввалроқ, «Бавария» Кюизансни сотиш ниятида эмаслигини маълум қилганди. Бироқ, футболчи клуб раҳбариятида ўзини қўйиб юборишларини сўради.
