Mundo Deportivo нашрининг тарқатган маълумотига қараганда, Каталониянинг "Барселона" клуби футболчиси Усмон Дембеле жамоанинг эрталабки машғулотларига кеч қолди.
Жамоа янги бош мураббийи Рональд Куман футболчилардан машғулотлар бошланишидан бир соат олдин жамоа спорт қароргоҳига йиғилишларини талаб қилмоқда.
Бугунги эрталабга машғулот соат 11:00да бошланиши ва футболчилар соат 10:00да жамоанинг спорт қароргоҳига йиғилишлари керак эди. Бироқ, Дембеле жамоа қароргоҳида соат 10:15да етиб келди.
Эслатиб ўтамиз, Дембеле ўтган мавсумнинг катта қисмини жароҳат сабабли ўтказиб юборганди.
