Ушбу рукнимиздаги энг сўнгги янгиликлар билан таништиришда давом этамиз.
«Реал» танлайди!
Мадриднинг «Реал» клуби икки ҳужумчидан бирини танлаши лозим.
“Calciomercato” нашрининг маълум қилишича, Зидан Борха Майоральни клубда салқаб қолишни истамоқда. Лука Йовични эса, ижарага бериб юборилишига қарши эмас.
Манбанинг маълум қилишича, «Реал» 23 ёшли испан ҳужумчисига тез орада янги шартнома таклиф қилади.
«Челси» Зумани сотмоқчи эмас
Лондоннинг «Челси» клуби Курт Зума билан қизиқиб қолган жамоалар учун трансфер суммасини маълум қилди.
“Sky Sport” нашрининг маълум қилишича, 25 ёшли футболчини «Челси» 36 миллион фунтдан камига сотмоқчи эмас.
Манбанинг маълум қилишича, ҳимоячи учун асосий даъвогар «Эвертон» клуби бўлиб турибди.
«Тоттенҳен» ноилож вариантда тўхтайдими?
Лондоннинг «Тоттенҳем» клуби марказий ҳужумчи сотиб олиш борасида кенг қамровли иш олиб бормоқда.
“The Sun” нашрининг маълум қилишича, «шпорлар» бош мураббийи – Жозе Моуриньо Кристиан Бентекени ўз жамоасида кўришни истамоқда.
«Кристал Пелас» футболчиси Лондон клубига ўтишга қарши эмас. Боз устига, «муз бургутлари» билан ўртадаги шартнома мавсум якунида якунига етади.
Манбанинг маълум қилишича, «Тоттенҳем» ҳужумчи учун 5-10 миллион евро атрофида пул таклиф қилмоқчи.
Мендеш ишга киришди
Таниқли футбол агенти Жоржо Мендеш ўз мижози – Томи Лемарнинг хизматларини «Вулверҳемптон»га таклиф қилмоқда.
Бир ҳафта илгари Мендеш Самедунинг трансферини амалга оширишда фаол иштирок этган эди.
Инглиз нашрларининг маълум қилишича, Лемарнинг йилига 6 миллион евро талаб қилаётгани «бўрилар»га манзур келмаяпти.
ПСЖ Aлли вариантидан воз кечдими?
«Тоттенҳем» жамоаси ярим ҳимоячиси Деле Aлли фаолиятини ПСЖда давом эттириши мумкин.
“The Sun” нашрининг маълум қилишича, Париж клуби 24 ёшли футболчини бир мавсумга ижарага олишга тайёр. Бундан ташқари, футболчининг бор маошини ҳам клуб тўлаб беради.
«Тоттенҳем» жамоаси бу таклиф борасида қарорини тез кунларда расман эълон қилади.
