Лондоннинг «Тоттенхэм» клуби бош мураббийи Жозе Моуринью Фрэнк Лэмпард билан бўлиб ўтган зиддиятли вазият ҳақида фикр билдирди.

«Лэмпардга бўлган ҳурматимни сўз билан ифодалаб бўлмайди. У менинг қўл остимда ўйнаган пайтида бор кучини ишга солиб меҳнат қиларди. Лэмпарднинг футболчилик фаолиятимдаги ўз ишига бўлган муҳаббатини ҳеч қачон унутмайман. Мен ундан қарздорман. У менинг дўстим ва у катта профессионал.

Мен унга нима дедим? Бу тажрибали мураббийнинг ёш ва иқтидорли мутахассисга маслаҳати эди. Футболчилар мағлуб бўлаётганида биз уларга керакмиз дедим. Улар ғалаба қозонаётган пайтда биз майдон четида шоу кўрсатадиган шахс бўлмаслигимиз керак. Бу умумий ҳақиқатлар. Футбол ҳақида гапирадиган бўлсам, менда Лэмпардга ўргатадиган нарса йўқ. У кучли ва иқтидорли мураббий», - деди Моуриньо.