Футзал бўйича Ўзбекистон терма жамоаси Тошкентда Эронга қарши дастлабки ўртоқлик учрашувини ўтказади.

Учрашув давомида терма жамоамиз номдор рақиб билан тенгма-тенг ўйнашга интилди, хавфли вазиятлар яратиш бўйича форслар қолишмади.

Аммо вазиятлардан фойдаланиш бўйича меҳмонлар унумлироқ ҳаракат қилишди. Биринчи бўлимда Иброҳимий пенальтидан ҳисобни очган бўлса, орадан 4 дақиқа ўтиб Неъматиян ҳимоядаги хатодан фойдаланиб, фарқни оширди.

Иккинчи таймда эса Хушнур Эркинов кучли зарба билан Эрон дарвозасини ишғол қилди.

Қолган дақиқаларда Баҳодир Аҳмедов шогирдлари ҳисобни тенглаштириш учун ҳаракат қилишди, мураббий сўнгги икки дақиқада бешинчи ўйинчи тактикасидан фойдаланди. Аммо учрашувда ҳисоб бошқа ўзгармади.

Футзал. Ўртоқлик ўйини
ЎЗБЕКИСТОН - ЭРОН - 1:2 (0:2)
Голлар: Хушнур Эркинов (27) — Иброҳимий (9-пенальти), Неъматиян (13)
Ўзбекистон: Равшан Элибоев, Машраб Одилов, Дилшод Раҳматов, Суннатилла Жўраев, Акбар Усмонов
Захира: Акмалжон Ҳазратқулов, Ихтиёр Ропиев, Ҳусниддин Нишонов, Даврон Чориев, Константин Свиридов, Жавлон Аноров, Хушнур Эркинов, Дилмурод Шавкатов, Элбек Тўлқинов, Дилмурод Жумаев, Авазбек Абдувалиев