Futzal bo‘yicha O‘zbekiston terma jamoasi Toshkentda Eronga qarshi dastlabki o‘rtoqlik uchrashuvini o‘tkazadi.

Uchrashuv davomida terma jamoamiz nomdor raqib bilan tengma-teng o‘ynashga intildi, xavfli vaziyatlar yaratish bo‘yicha forslar qolishmadi.

Ammo vaziyatlardan foydalanish bo‘yicha mehmonlar unumliroq harakat qilishdi. Birinchi bo‘limda Ibrohimiy penaltidan hisobni ochgan bo‘lsa, oradan 4 daqiqa o‘tib Ne’matiyan himoyadagi xatodan foydalanib, farqni oshirdi.

Ikkinchi taymda esa Xushnur Erkinov kuchli zarba bilan Eron darvozasini ishg‘ol qildi.

Qolgan daqiqalarda Bahodir Ahmedov shogirdlari hisobni tenglashtirish uchun harakat qilishdi, murabbiy so‘nggi ikki daqiqada beshinchi o‘yinchi taktikasidan foydalandi. Ammo uchrashuvda hisob boshqa o‘zgarmadi.

Futzal. O‘rtoqlik o‘yini
O‘ZBEKISTON - ERON - 1:2 (0:2)
Gollar: Xushnur Erkinov (27) — Ibrohimiy (9-penalti), Ne’matiyan (13)
O‘zbekiston: Ravshan Eliboyev, Mashrab Odilov, Dilshod Rahmatov, Sunnatilla Jo‘rayev, Akbar Usmonov
Zaxira: Akmaljon Hazratqulov, Ixtiyor Ropiyev, Husniddin Nishonov, Davron Choriyev, Konstantin Sviridov, Javlon Anorov, Xushnur Erkinov, Dilmurod Shavkatov, Elbek To‘lqinov, Dilmurod Jumayev, Avazbek Abduvaliyev