Англиянинг "Манчестер Сити" клуби келаси йилнинг ёзида Каталониянинг "Барселона" клуби сардори Лионел Месси учун кураш олиб боради.
33 ёшли аргентиналик футболчининг "кўк-анорранглилар" билан амалдаги шартномаси якунланади ва томонлар 2021 йилнинг июнь ойигача янги шартнома борасида келишувга эриша олмаса, у ҳолда Месси "Барселона"ни эркин агент сифатида тарк этади.
"Шаҳарликлар" Мессини ўз сафларига қўшиб олиш учун клуб тарихидаги энг яхши тўпурар саналган Серхио Агуэро билан хайрлашишга тайёр.
Аввалроқ, 32 ёшли Агуэрога Италиянинг "Интер" клубидан жиддий қизиқиш бўлаётгани ҳақида хабарлар тарқалганди.