Вадим Абрамов бошқарувидаги Ўзбекистон терма жамоаси Дубай шаҳрида Бирлашган Араб Амирликларига қарши ўртоқлик ўйинини ўтказиб, ишончли ғалабани қўлга киритди.

Биринчи бўлимда вазият яратиш бўйича кичик устунлик марказий осиёликлар томонида бўлганига қарамай, ҳисоб очилмади.

Иккинчи бўлим бошида эса Игорь Сергеев ҳимоячиларнинг хатосидан фойдаланиб, ҳисобни очди.

Баҳс тугашига 4 дақиқа қолганида эса терма жамоамизнинг комбинациясини Сергеев ажойиб зарба билан голга айлантирди. "Пахтакор" футболчисининг 18 метрлардан чап оёқда йўллаган зарбасини БАА посбони Холид Исса қайтара олмади.

Орадан 2 дақиқа ўтиб футболчиларимиз яна бир яхши комбинация ташкил этишди. Шукуров томонидан йўлланган кучли зарбани Амирлик дарвозабони ажойиб сэйв билан қайтарди.

Иккинчи бўлимга қўшиб берилган дақиқаларда эса ҳакам дарвозамиз томон пенальти белгилади. Себастян Талябуе 11 метрли жарима зарбасидан фойдаланиб, ҳисобдаги фарқни биттага қисқартирди.

Шу тариқа, Ўзбекистон терма жамоаси БААга қарши ўртоқлик ўйинида ғалаба қозонди.

Ўртоқлик ўйини
БАА - Ўзбекистон - 1:2 (0:1)
Голлар: Себастян Талябуе (90+2-пенальти) — Игорь Сергеев (47, 86)
Огоҳлантиришлар: Исмоил Хамис (81) — Иброҳим Ҳалил Йўлдашев (90)
БАА – Холид Исса, Фарис Жума, Муҳаммад Марзуқ, Aбдулазиз Ҳайкал, Юссуф Жобир (Салим Рашид 57), Ҳамис Исмоил, Aҳмад Барман (Муҳаммад ал-Аттас 57), Халил Иброҳим, Халфан Муборак, Себастян Талябуе, Фабио де Лима.
Ўзбекистон – Абдувоҳид Неъматов, Ислом Қобилов, Игорь Голбан, Иброҳим Ҳалил Йўлдашев, Мурод Холмуҳаммедов (Фаррух Сайфиев 74), Одил Ҳамробеков, Азиз Ғаниев, Отабек Шукуров (Акмал Мозговой 90), Азиз Турғунбоев (Достон Ҳамдамов 56), Ҳожимат Эркинов (Жалолиддин Машарипов 61), Игорь Сергеев.
Бош ҳакам:  Али Абдулнаби (Баҳрайн)