Каталониянинг «Барселона» клуби дарвозабони Марк-Андре тер Штеген жамоа билан шартномани узайтиришга рози бўлди, дея хабар бермоқда Goal портали.

Германиялик дарвозабоннинг амалдаги шартномаси келаси йилнинг июнь ойида якунланади. Тер Штеген янги шартномага кўра, йилига 24 миллион евро маош олишни истаётганди, бироқ, клуб раҳбарияти унинг йиллик маошини 18 миллион еврога туширишга эришди. Янги шартнома 2025 йилгача мўлжалланган.

Шу тариқа, тер Штеген дунёнинг энг кўп маош оладиган дарвозабонига айланади. "Барселона" клубида эса Лионеля Мессидан кейин иккинчи ўринда туради.