Россиялик мутахассис Андрей Канчельскис "Навбаҳор" билан тузилган шартномасининг бекор бўлганидан кейин тўланиши керак бўлган компенсация ҳақида фикр билдириб ўтди.
"Ҳозирча "Навбаҳор" билан мунозара кетмоқда, улар тинч йўлдан бормоқчи. Музокаралар олиб боряпмиз, менга ҳам, уларга ҳам ортиқча тортишув ва шовқин керак эмас. Шартнома бор ва унда тўланиши керак бўлган миқдор кўрсатиб қўйилган. Улар томонидан ҳозирча ҳаммаси жойида ва аниқ.
Ўйлашимча, бир ҳафтадан кейин масалани ҳал қиламиз. Улар қўнғироқ қилишни бошладими, демак, ҳаммаси тинч ўтишини истамоқда", - деди мураббий.
Канчельскис 2018 йилнинг октябрида наманганликлар бошқарувига келганди. Мутахассис 2019 йилнинг августида истеъфога чиқарилган, бироқ ўша йилнинг ўзида яна ўз лавозимига қайтарилганди.
