Испаниянинг "Севилья" клуби ҳимоячиси Жюль Кунде фаолиятини Англия Премьер-лигасида давом эттириши мумкин.
"Манчестер Юнайтед" 21 ёшли ҳимоячини ўз сафига қўшиб олишни асосий мақсад қилиб белгилаб олди дея хабар бермоқда ESPN.
"Манкунианликлар" Кунде шу йилнинг қишки трансфер бозорида ёки кейинги йилнинг ёзида ўз таркибига олиб келиш ниятида. Ушбу трансфер "Манчестер Юнайтед" ўзининг икки нафар марказий ҳимоячини сотган тақдирдагина амалга ошиши мумкин.
Қайд этиш керакки, "Севилья" Жюля Кунденинг трансфер нархини 65-70 миллион евро атрофида баҳоламоқда. Аввалроқ ёш ҳимоячига "Манчестер Сити", "Барселона" ва "Реал" клублари ҳам қизиқиш билдиришаётганди.
