Лондоннинг "Вест Хэм" клуби ўзининг расмий сайтида "Уотфорд" ҳимоячиси Крейг Доусон билан шартнома имзолаганини расман эълон қилди.
30 ёшли англиялик футболчи мавсум-2020/21ни "болғачилар" сафида ижара асосида ўтказади.
Ўтган мавсум Доусон "Уотфорд" таркибида 29 та учрашув ўтказиб, иккита гол киритди. Чемпионат якунига кўра, унинг жамоаси Чемпионшипга тушиб кетди.
Эслатиб ўтамиз, АПЛда трансфер ойнасида 6 октябрь куни ёпилган эди. Бироқ, АПЛ клублари 16 октябрга қадар Англиянинг қуйи дивизионлари — Чемпионшип, Биринчи лига ва ундан кейинги лигалардан ўйинчи сотиб олиш ва ижарага олиш ҳуқуқига эга. Лекин, ушбу футболчилар Еврокубок ўйинларида иштирок эта олмайди.
