Португалия президенти Марселу Ребелу де Соуза Туриннинг "Ювентус" клуби ҳамда терма жамоа ҳужумчиси Криштиану Роналдуга тезроқ соғайиб кетишини тилади.
"Мен Роналдуга барча яхшиликларни тилайман. Мен Португалия Футбол Федерация раҳбарлари билан гаплашдим. Уларда кунлик тестлар учун зарур бўлган барча нарсалар мавжуд. Футболчилар турли давлатлардан учиб келишди, шунинг учун улар назорат остига олинди. Терма жамоанинг бошқа футболчиларида коронавирус инфекцияси аниқланмаганини менга етказишди", - де Соузанинг сўзларидан иқтибос келтирмоқда A Bola.
Эслатиб ўтамиз, коронавирусга чалинган 35 ёшли Роналду Португалия терма жамоасининг Миллатлар Лигаси доирасида Швеция терма жамоасига қарши бўладиган ўйинини, шунингдек, "Ювентус" клубининг бир нечта учрашувларини ўтказиб юборади.
